تحياتى للجميع احببت ان اوسع صدوركم بهذا الشعر
والحقيقة انها ابيات ممتعه و بنفس الوقت معبره وقوية
وتكتب بماء الذهب:
شف كيف الحب - حشا حب ميكانيكي - :
قلبي قبل فرقاك ما ينقص الزيت **** واليوم أزيده في كل مشوار علبه
آآآآآآآآآآه يالغرام شوفوا وش يسوي :
الحب قطع قلوب البعارين****حتى الحمير السود يلعن جدفها
وفي هذا البيت أنا أجيز الشاعر فقد عبر عن حبه بصوره شعريه رائعه والقصيده عموما جيده:
يا ليتني في جيبك ريال مقطوع****يبقى معك ما يقبله اي دكان
وهذا مسوي فيها أحمد شوقي هو ووجهه :
ان لم تكن في كل الامور ذا عزيمة****فما عندك اليوم ماعند جدتي
وهذا ضايق من حبيبه بجد , الله لا يضيق علينا :
اضيق لي شفتك مع الناس مرتاح ****وارتاح لا ضاقت عليك الوسيعه
أنا لله وأنا إليه لراجعون حتى الموضه دخلت الغرام:
شريت لي ثوبٍ على شان لقياك **** والثوب راحت موضته ما لبسته
صوره شعريه أخرى تجسد الفكر لدى الشاعر:
أحزن على فرقاك مثل الوراعين**** لآ مروا الدكان وأسرع أبوهم
وهذا شاعر ما ينشد به الظهر , لأنه مازج الحضاره بالأصاله :
هات الذلول وهات قوطي سفن اب**** نغزي ديار القوم وناكل جلكسي
وهذا يعاني من مشكلة الإنشغال على الفاضي :
يامال فرقا العين كان ادفنوني ****وفارقت أنا الدنيا وانا عندي اشغال
وهذا آخذ مقلب بنفسه :
قالت أحبك قلت ماهي غريبه **** سيارتي كشخه وانا حيل مزيون
وهذا حب كهربائي:
أنا رفيقك لا ضرب كهربك شوط **** أفزع بسكروبي وأفك الضفيرة
وهذا الأخ زاحف من جد :
كان الوعد مابيننا حذفة احجار **** ومن كثر شوقي له حذفت وفلقته
غزل عربجـــــــــي ههههههههه
حبك حشرني حشرت القير بثنين **** الضغط سته والتواير مصاليخ
وأخيراً أترككم مع المتنبي في زماننا :
إن لم تكن لي والزمان شرم برم **** لا خير فيك والزمان ترللي
اتمنى تنال اعجابكم وتوافق بعض الاذواق هههه وفالكم البيرق
لات حر مونا م ن ردودكم
(منقول)
الإثنين أبريل 07, 2008 5:45 pm
